ALLE WUXUU DOONO AYUU YEELA, ASAGAANA DOORASHADA LEH.

 

Taariikh:

 Nabiga CSW, wuxuu ka dhashey Qabiilka Qureesh, wuxuu ka sii ahaa Qabiilka  fihir  wuxuu ka sii aha Kinaan, wuxuu ka sii ahaa Dhalkii Nabi Ismaciil, kasii ah Nabi Ibahim, kasii ah Nabi Aadan.

Magaciisa: Mohamed Inbu Abdallah Inbu Abdil-Mudalib  Ibnul-Hashim Ibnu Abdil-Manaaf Ibnul-Quseyi Ibnul Kilaab Inbu  Murah  Ibnul Kacab.

Hooyadii: waa Qureesh Magacedu waa Aamina bintu Wahab  

Ayeeyadiisa: Barra Inbu Abdul Cuza  Ibnu Cusmaan

Goorta uu dhashey : Isniin, Makka, sanadkii  caamul-fiil, waa sanadkii  Xabashida kacbada  soo wareertey,  Sanadkii 570-571 Hijriyah  Bisha Rabiicul awal 12-keeda.

 Markii uu dhashey waxaa naas nuujyey Thuweyba oo Abii-lahab uu lahaa ayaa naas nuujiyesay.  Wuxuu yiri Nabiga “Aniga  iyo Aba-salama waxaa na naas nuujiysay Thuweyba sidoo kale Hamza ibnul Abdulmudalib”

Waxaa kalo la sheegey in  Haliima sacdiya iyadana naas nuujiysay oo waliba afar sano mudo ah oo halkaas ku Korey.

 Magacyada Nabiga CSW: Magacyada qaar waa sifaad kala kedisan oo kala mid yahay Nabiyadii ka horeeyey, kuwana waa kuwo u gaar ah, Nabi Mohamed inuu shan magaca leeyahay ayaa la sheegaa, Mohamed kii la mahdiyey, Ahmed, Maahi kii masaxey, iyo Caaqib kan uga dembeeya iyo kuwa kale.

Taarikhda yaraantiisa: Nabiga CSW asago yar aya malaa’ik qabetey oo lagadey oo qaliin  ku sameeyey,  xinjir yar ka soo saartey laabtiisa,  kuna tiri taasi waa qeybta Sheydaanka kugu lahaa oo laga sifeeyay kadibna la dhaqey laguna celiyey halki markii hore laga soo saarey iyadoo nadiif ah. Calaamad muuqata ayey aheyd  meshi malaka uu ka qaley xitaa waa lagu arki  jiray weynaantiisa nabarkaas.

Aabihii : wuxuu geeriyoodey asagoo uurka hooyadiis ku jira oo hoyadii xaalimo ah, kadib hoyadiisa waxey ku  geeriyootey meesha Abwaa la yiraahdo,  iyadoo Mako ka timid asagoo lix jir ah , kadibna wuxuu ku soo koray agoonimo oo aan Aabo arkin markii la soo celiyey oo hooyodiisa dhimatey wuxuu noqdey (Yatiin) aan laheyn Aabe iyo Hooyo.

Awoowgii: Abdul-Mudalib oo aad u jeclaa, wuxuu geeriyoodey asagoo labo sano haayey, oo aabe wayey, hooyana waayey, iyo awoowgiisa waana dareen runtii qof intaas marey uu dareemi karo kali ah.

 Kadib 8 jir markii u soo gaarey ayaa hadana adeerkiisa Abdul-mudalib oo caruur badan heysta oo aan xoolo badan laheyn ayaa mudo ilalainaayey oo soo koriyey kaasi waa Nabiga CSW.

Sifaadkiisa iyo qaabkiisa: wuxuu ahaa nin dhexdhexaad ah oo aan dheereyn hadana gaabneyn oo dhanka dhirarka xiga. Wuxuu ahaa qof aan dhuubneyn oo aan buurneyn, wuxuu  ahaamid laabta u weyn oo laab ballaaran leh oo tin ka leh ilaa xudunta, gacmo kala baxsan leh oo jilacsan oo kala baxsan, garaba bidixna wuxuu ka lahaa meel yar oo kuusan oo timmo aruursan leh oo shaabadda Nabinimada oo khaatimadaa ah, wajigiisa wuxuu ahaa mid qurux badan oo cad oo casaan ku jiro, qaabka wajigiisa wuxuu ahaa wareegsan,  wuxuu lahaa dhabbanno shubban, wuxu ahaa mid aan afyareyn, ma indho yaryareen oo wuxuu lahaa indho jeexan, wuxuu lahaaa timmo, mararka qaarna wuu sii deyn  jiray,

Mararka qaarna wuu kala jeexi jiray, wuxuu lahaa gadh khafiif ah, wuxuu ahaa mid timo feereysan oo ilaaliya, cirro badan ma laheyn, xitaa markii geeriyoonaayey kuwa tirsan ayuu lahaa ilaa maalinta dhimashada, wuxuua ahaa mid nadaafad badan, shaleysan jiray, wuxuu isticmaali jiray udugga, iyo carfin wuxu ahaa nin meeshii fadhiisto laga dereemo carafta iyo udgoonka,  dhismo jireed oo qurux badan ayuu lahaa, qurux nin ayuu lahaa.

 Markii la tilmaamo dhaqankiis iyo akhlaaqdiisa:

Ummu Caa’isha waxaey tiri “Qur’aan ayuu akhlaqdiisu ahayd”.  wuxu lahaa akhlaaq koreysa oo aad u weyn, wuxuu ahaa nin aad isku dhul dhiga, oo la socoto heeybad, wuxuu ahaa mid aad u xishood badan oo geesi  ah, oo aad u gacan furan, hadana ka dheer is muujinta iyo magic raadin, wuxuu caan ku ahaa mid run sheega, camalkiisa ka run sheega iyo hadalkiisa, wuxuu caan ku ahaa mid  markii dunida soo wajahdo asaga jeesto.

Wuxuu ahaa  mid camalkiisa u gaar yeela Alle, carabka iyo afka mid aad u fasiiix ah, oo si degan u hadla, oo hadal kooban oo macno leh ku hadla, wuxuu ahaa mid qalbi degan hadii dagaal lagu jiro hadii kale, nin xakiim ah oo cagli badan oo aad fahamkisa  u sareeyo, wuxuu ahaa  mid dareenkiisa sareeyo, oo cafiya dadka ka qaldan, wuxuu ahaa mid ka dheer ad-adeeg iyo wuxuu ahaa mid sabar badan oo  dhiiran xaqa iyo oraahdiisa ku dhiran.

Nolashiisa: wuxuu ku  koray nolal shaqo iyo ad-adeeg wadata oo aan aheyn dhaldhalal, wuxuu ku soo Korey nolal adag.

Nabiga CSW yaraantiisa, Wuxuu galey labo heshiis oo waaweyn, dadka qaar waxey dhahaan waa hal heshiis, waxaan ka qeyb galey heshiiskii “mudayibiin”  wuxuu yiri Nabiga CSw “waxaan kala qeyb galey adeeradey anigoo dhalinyaro ah, mana jecli inaan buriyo heshiiskaas xitaa hadii la I siiyo geel cas cas”.

 

La soco qeybta 2-aad……